Rossiya armiyasi haqidagi soxta xabarlar uchun 15 yilgacha ozodlikdan mahrum qilish belgilandi

Davlat Dumasi ikkinchi va uchinchi o‘qishda Rossiya qurolli kuchlarining harakatlari haqidagi feyklar uchun koloniyalarda 15 yilgacha bo‘lgan muddatga ozodlikdan mahrum etish to‘g‘risidagi qonun loyihasini qabul qildi.

Deputatlarning hech biri qonun loyihasiga qarshi chiqmadi va o‘z o‘zgartirishlarini taklif qilmadi. Hujjat bugun Federatsiya Kengashiga topshiriladi.

Qonun loyihasida “qasddan yolg‘on soxta ma’lumotlar yaratish” uchun 700 ming rubldan 1,5 million rublgacha jarima yoki uch yilgacha qamoq jazosi nazarda tutilgan. Agar soxta ma’lumotlar mansabdor shaxslar yoki «uyushgan guruh tomonidan sun’iy dalillar yaratish bilan» tuzilgan bo’lsa, fuqaro 3 milliondan 5 million rublgacha jarima yoki 5 yildan 10 yilgacha ozodlikdan mahrum qilinishi mumkin.

Agar «bilib turib yolg’on soxta» jiddiy oqibatlarga olib kelgan bo’lsa, Rossiya fuqarosi 10 yildan 15 yilgacha ozodlikdan mahrum etilishi mumkin. Rossiyaga qarshi sanktsiyalar qo’llash chaqiriqlari uchun, agar fuqaro buning uchun allaqachon ma’muriy javobgarlikka tortilgan bo’lsa, ular 500 ming rublgacha jarima yoki 3 yilgacha ozodlikdan mahrum qilishlari mumkin.