Misrda minglab odamlar siyosiy ayblovlar bilan sudlanmoqda
Misrda davlat toʻntarishi natijasida hokimiyat tepasiga kelgan prezident Abdul Fattoh as-Sisiy mamlakatda siyosiy mahbuslar borligini inkor etgan boʻlsa-da, yaqinda eʼlon qilingan hisobotda Misrda minglab odamlar siyosiy sabablarga koʻra sud qilinayotgani maʼlum boʻldi.
Poytaxt Qohirada joylashgan Shafafiya (Oshkoralik markazi) tahliliy markazi tomonidan e’lon qilingan hisobotdagi ma’lumotlarga ko’ra, 2020 va 2021 yillarda 16 mingga yaqin kishi siyosiy motivlar bilan jinoiy javobgarlikka tortilgan.
Middle East Eye gazetasining xabariga ko’ra, namoyishlarga qatnashgan gumondorlarga qaratilgan jinoyatlar va «rejimni ag’darishga harakat qilish» maqsadida turli faoliyatlar orasida «terror tashkilotiga a’zolik» kabi moddalar ham bor.
Sisi mamlakatda siyosiy mahbuslar borligini rad etdi, biroq inson huquqlarining poymol etilishi xavotirlari yuzasidan xalqaro hamjamiyat bosimi ostida Qohira ma’muriyati yaqinda siyosiy ishlarga aloqador mahbuslarni amnistiya qilish tashabbusi bilan chiqdi.
Shu nuqtai nazardan, Prezident huzuridagi Amnistiya qo’mitasi Ramazon oyida siyosiy mahkumlarni ozod qilish uchun chora ko’rdi. Ma’lum qilinishicha, ko‘plab yuqori martabali siyosiy mahbuslar amnistiya bilan ozod etilgan.
2013-yilda demokratik yoʻl bilan saylangan Muhammad Mursiyni harbiy toʻntarish natijasida agʻdargan Sisi oʻshandan beri ayniqsa, Mursiy boshqaruvi davrida partiya aʼzolari va tarafdorlarini nishonga olmoqda.
