Islom olami istilolar soyasida navbatdagi Ramazonga kirdi
Islom olamida Ramazon oyi quvonchi bu yil ham turli hududlardagi ishg‘ollar soyasida qolishi davom etmoqda.
Turkiya, Afg‘oniston, Sharqiy Afrika, Falastin, Suriya va Arabiston yarim oroli kabi ko‘plab mintaqalarda 2 apreldan boshlab Ramazon oyi boshlandi.
Ammo butun dunyo musulmonlari shodlik bilan kutib olgan Ramazon oyi bu yil turli kuchlar tomonidan bosib olingan va urush davom etayotgan hududlarda achchiq quvonch bilan kutib olinmoqda.
Uzoq yillardan beri urushlar va ishg’ollar hukmron bo’lgan Afg’onistonda so’nggi 50 yil ichida ilk bor urushsiz Ramazon o’tayotgan bo’lsada, islom olamining katta qismi uchun vaziyat boshqacha.
Isroil ishg’oli ostidagi Falastin ham Ramazon oyiga keskinlik bilan kirdi. To’qnashuvlar va hujumlarda ko’plab falastinliklar hayotdan ko’z yumgan bo’lsa, o’tgan yili bo’lgani kabi bu Ramazon oyida ham mintaqada urush boshlanishidan xavotirlar bor.
Hindiston tomonidan ishg‘ol qilingan Kashmir ham uzoq yillardan buyon tinch Ramazondan uzoqda bo‘lgan mintaqalar sirasiga kiradi.
Rossiyaning “Vagner” yollanma firmasi va Fransiya hujumlarini kuchaytirgan Mali bilan bir qatorda, AQSh va Sharqiy Afrikadagi xristian davlatlari harbiy ishtirokini davom ettirayotgan Somali ham xuddi shunday vaziyatda.
Suriya Rossiya va Eron tomonidan qoʻllab-quvvatlangan Bashar Asad rejimining hujumlari tufayli 11 yildan beri Ramazon oylarini xuddi shunday holatda oʻtkazmoqda. AQSH va Eron tomonidan qoʻllab-quvvatlangan shia jangarilari “IShID” bahonasida koʻplab shaharlarni vayron qilgan va tinch sunniy aholiga bosim oʻtkazgan Iroq yana bir achchiq Ramazonga kirdi.
Oʻrta Osiyoda Rossiya va Xitoy tomonidan qoʻllab-quvvatlangan hukumatlar hukmronlik qilayotgan turk respublikalari va Xitoy nazorati ostidagi Sharqiy Turkistonda Ramazon hayajon va shodlikdan yiroq. Bu hududlardagi ma’muriyatlarning tazyiqlari ro’za tutishning oldini olishga qaratilgan.
Hindistondagi musulmonlar Ramazon oyiga davlat tomonidan qoʻllab-quvvatlangan hind toʻdalarining bosimi va hujumlari ostida kirib kelgan boʻlsa, siyosiy sabablarga koʻra Misrda Sisi maʼmuriyati tomonidan qamoqqa olingan oʻn minglab musulmonlar Ramazonni qamoqxonalarda kutib oldi.
Saudiya Arabistoni va Eron ishtirokidagi Yamandagi urush tufayli bu Ramazonga millionlab tinch aholi urushdan tashqari ochlik va epidemik kasallik sabab bo’lgan o’limlar bilan yuzma-yuz kirib keldi.
Shuningdek, Myanma va Bangladeshdagi rohinja musulmonlari Ramazon oyini urush soyasida o‘tkazayotganlar orasida.
Rossiya tomonidan bosib olingan Ukrainadagi Qrim-tatar musulmonlari ham, Rossiya nazoratidagi Kavkazda yashovchi musulmonlar ham Ramazon oyini xuddi shunday qoʻrquv muhitida oʻtkazmoqda.
