Erdog’an: Biz Tolibonni inklyuziv boshqaruv o’rnatishga yo’naltirishimiz kerak

Prezident Erdo’g’an G20 Afg’oniston bo’yicha favqulodda liderlar sammitida bir qator muhim masalalarni o’rtaga olib chiqdi.

Erdog’an bayonotlarining diqqatga sazovor joylari quyidagicha:

«-Afg’oniston- Mamlakatda xavfsizlik va barqarorlikni imkon qadar tezroq ta’minlash nafaqat mintaqaviy, balki xalqaro miqyosda ham muhim ahamiyatga ega. Biz muloqot kanallarini ochiq saqlashimiz va Tolibonni inklyuziv boshqaruv o’rnatishga yo’naltirishimiz kerak. Bunday davrda xalqaro hamjamiyat afg’on xalqidan yuz o’girib, bu mamlakat taqdiriga befarq bo’lish noo’rindir. Siyosiy jarayon qanday bo’lishidan qat’i nazar, mintaqada gumanitar inqiroz chuqurlashib borayotgani sababli biz afg’on xalqi bilan mustahkam birdamlik o’rnatishimiz kerak. Yaqinda Turk Qizil Yarim Oy jamiyati 33 tonna oziq -ovqat yordami ko’rsatdi. Qo’shimcha qamrovli gumanitar yordam paketi ustida ishlayapmiz. Biz bu og’ir kunlarda afg’on xalqiga  birodarlik burchimizni bajarishda davom etamiz.  IShID tomonidan 26 avgustda Qobul aeroportida amalga oshirilgan teraktda, shuningdek, oxirgi kunlarda  boshqa ba’zi viloyatlarda sodir bo’lgan harakatlarda, terror tahdidi hali ham davom etayotgani ko’rinib turibdi.

Evropa davlatlari Turkiyaning janubiy va sharqiy chegaralaridan o’tkaziladigan migratsiya bosimidan hayiqishi muqarrar. Shu munosabat bilan men G20 uchun migratsiya va majburiy joy almashish masalalarini saqlab qolishni muhim deb bilaman.

Men ushbu global muammoga tizimli nuqtai nazardan qarash uchun G20 doirasida ishchi guruh tuzishni taklif qilaman va  biz bu guruh raisligiga intilamiz. Hozircha Afg’onistonni terrorchi tashkilotlar bazasi bo’lishining oldini olish va ekstremizmga qarshijiddiy kurash borasida jiddiy harakatlarni haligacha ko’rmadik.  Qizlarni maktabga yuborish, aholi huquqlarini himoya qilsih, ishlab chiqarish va boshqa sohalarni rivojlantirish kabi jiddiy  muammolarni Tolibon ma’muriyati bilan hamkorlikda hal qilish kerak.