BMT kuchlari oltin, olmos va giyohvand moddalarni Markaziy Afrikadan samolyot orqali olib o’tmoqdalar

Birlashgan Millatlar Tashkiloti tizimidagi Portugaliya kuchlari Markaziy Afrikada turli kontrabanda voqealarida ishtirok etgani xabar qilingan.

Ikki yil avval Portugaliyadagi harbiy qo’mondonning xabaridan so’ng paydo bo’lgan voqea yuzasidan tergov o’shandan beri davom etmoqda. O’lkada kecha o’tkazilgan amaliyotda 100 nafar hibsga olish qarori chiqarildi.

Voqeaga aloqadorligi aniqlangan ismlarni qo’lga olish uchun ko’p sonli politsiya operatsiyalari o’tkazdi.

Armiya tomonidan berilgan bayonotda, ayrim askarlarning BMTning Markaziy Afrika Respublikasidagi vakolatxonasida xizmat qilgan vaqtida harbiy samolyotlar orqali Yevropaga olmos, giyohvand moddalar va oltin kontrabandasida kur’er sifatida qatnashgani qayd etildi.

Bu jarayonlarda BMT missiyasi tarkibidagi boshqa qo’shinlar ham rol o’ynagan bo’lishi mumkinligi va bu jarayonlarda harbiylar tashkilotchilik vazifasini amalga oshirgan bo’lishlari ham mumkinligi aytilmoqda.

BMT va NATOga aloqador harbiy kuchlar avvalroq Afg‘oniston, Iroq va  Markaziy Afrika kabi boshqa mamlakatlarda kontrabanda jinoyatlariga aloqadorlikda ayblangan.

Yer osti va yer usti boyliklariga ega Markaziy Afrika mana bir necha yildirki Rossiya va Yevropa davlatlari o’rtasidagi kuchlar raqobatiga sahna bo’lib kelmoqda. BMT kuchlari singari, Rossiya ham Markaziy Afrikadan oltin, olmos va giyohvand moddalar kontrabandasi va savdosida ayblangan.