Bill Geytsning «yashil Isroil»ni maqtashiga munosabat
Avstraliya universiteti o’qituvchisi Doktor Ramzi Barud, Bill Geytsning Isroilning ekologiya yo’nalishida olib borayotgan siyosatini maqtashini va Isroil bilan hamkorlik qilish qarorini tanqid qildi hamda unga Falastinda sodir bo’lgan voqealarni eslatdi.
Barud o’z maqolasida quyidagilarni qisqacha aytib o’tdi:
«Isroil Bosh vaziri Naftali Benet Glazgoda boʻlib oʻtgan BMTning iqlim oʻzgarishi boʻyicha konferentsiyasida soʻzlagan nutqida “quruq gaplar” aytdi. Mashhur tadbirkor Bill Geyts Benetning soʻzlarini olqishladi, keyin Isroil davlati va Geyts jamgʻarmasi atrof-muhit boʻyicha hamkorlikni eʼlon qildi.
«Bill Geyts, shuningdek, Isroilni «innovatsiyalardagi yutuqlari uchun» maqtab, innovatsiyalar iqlim muammosiga qarshi kurashda muhim ahamiyatga ega ekanligini ta’kidladi. Geytsning innovatsiyalarga berilib ketganligi Isroilning inson huquqlari buzilishi va atrof-muhitga zarar yetkazayotganiga e’tibor bermasligiga sabab bo’ladimi?»
«Isroil har kuni ekologik qirg’in qilmoqda. Deyarli har kuni isroilliklar falastinliklarning zaytun bog’larini yoqib yubormoqda. G’arbiy Sohilda birin-ketin qurilgan yahudiy aholi punktlari uchun mazkur hudud tabiati ham buzilmoqda. Mintaqani yahudiylashtirish uchun falastinliklarni daraxtlari bilan birga yo’q qilishmoqda.
«Isroil G’arbiy Sohildagi falastinliklarning tabiiy resurslariga kirishiga to’sqinlik qilayotgan bo’lsa-da, bu yerdagi yahudiy ko’chmanchilar G’arbiy Sohil suvidan mo’l-ko’l foydalanadilar va uni isrof qiladilar, bu esa aholi jon boshiga juda yuqori chiqindilarni keltirib chiqaradi.»
Tadqiqotlarga ko’ra, G’arbiy Sohildagi yahudiy ko’chmanchining kuniga o’rtacha iste’mol qiladigan suv miqdori xuddi shu mintaqadagi falastinlikdan 11 baravar ko’p.
