AQShning Afg’onistondagi bombardimonlariga qarshi Toliblarning bayonoti
Tolibon so’zchisi Zabihulloh Mujohid tomonidan ijtimoiy tarmoqlarda tarqatilgan bayonotda AQSh mamlakat janubidagi Hilmend, Qunduz va Qandahor, viloyatlarida havo hujumlari uyushtirgani, hujumlarda tinch aholi va Tolibon a’zolari hayotlarini yo’qotgani xabar qilindi.
AQSh va Kobul hukumati urushni davom ettirishga qaramay,Toliblar tinchlik muzokaralari va tinchlik jarayoniga murojaat qilishgan.
Zabihullohning aytilishicha, «Hozirgi vaziyatda ekspertlar, siyosiy tahlilchilar, ommaviy axborot vositalari va boshqa odamlar urushning avj olishiga kim javobgar ekanligini ko’rishlari kerak».
AQSh hujumlari
Kecha AQSh Afg’onistonda Tolibonga qarshi havo hujumlarini amalga oshirdi.
AQSh Mudofaa vazirligi matbuot kotibi Jon Kirbining bayonotiga ko’ra, kecha AQSh harbiy samolyotlari Kobul hukumat qo’shinlarini qo’llab-quvvatlash uchun havo hujumlari bilan Tolibonni nishonga oldi.
AQSh rasmiylari hujumlarni tasdiqlagan bo’lsa-da, havo hujumlari haqida hech qanday ma’lumot bermadi.
«Ko’plab shaharlarda havo hujumlari uyushtirildi»
Mahalliy manbalar AQSh harbiy samolyotlari bir necha mintaqalarda, xususan Hilmend, Qandahor va Vardak viloyatlarida Tolibonga qarshi havo hujumlarini uyushtirganligini tasdiqladilar.
Ushbu hujumlar Tolibon harakatini to’xtatishga qaratilganligi ta’kidlandi.
Ushbu hujumlar AQShning so’nggi paytlarda Tolibonga qarshi eng keng katta ko’lamli hujumlaridan bo’ldi.
