AQSh Qatar va Pokiston orqali Afg’onistonni bombardimon qilmoqda
Ma’lum qilinishicha, AQSh Afg’onistonda B-52 bombardimonchi samolyotlari bilan Qatar va Pokiston orqali og’ir bombardimonlarni amalga oshirmoqda.
Mahalliy manbalarga ko’ra, B-52 og’ir bombardimonchilari ishlatilgan hujumlar tinch aholi punktlari, masjidlar, maktablar va shifoxonalar kabi muhim markazlarga, shuningdek Tolibonga harakatlanayotgan mintaqalarga qaratilgan. Hujumlarda o’nlab tinch aholi hayotdan ko’z yumgan va shahar markazlarida katta yong’inlar yuzaga kelgan.
AQSh Mudofaa vazirligi (Pentagon) matbuot kotibi Jon Kirbi bir muncha vaqt oldin AQSh Afg’onistondan harbiy samolyotlarni olib chiqayotganini ma’lum qilgan edi.
Shu nuqtai nazardan, hujumlarning Afg’onistondagi havo bazalaridan amalga oshirilishi ehtimoli yo’q.
Mintaqaviy manbalarning ta’kidlashicha, hujumlar AQShning Qatardagi bazalari va Hind okeanidagi Amerika samolyotlari tomonidan amalga oshirilgan.
Kecha samolyotlarning radar yozuvlarida aks etgan ma’lumotlarga ko’ra, AQSh tanker samolyoti Hind okeani ustidan Pokiston havo hududiga, u yerdan esa Afg’onistonga kirgan.
Bunga qo’shimcha, mustaqil manbalar orqali Afg’onistonga qarshi bombardimonlarda Qatar va Pokistonning ishtiroki borligi ko’rsatildi. Bu ikki davlat tomonidan bu borada hech qanday bayonot berilmagan.
Ta’kidlanishicha, AQSh prezidenti Jo Bayden Afg’oniston shaharlari Tolibon qo’liga o’tib ketishining oldini olish uchun mintaqaga B-52 bombardimonchilarini yuborishni buyurgan.
Tolibonning bu holat yuzasidan bergan bayonoti
Tolibon, shuningdek, AQShning havo hujumlarini kuchaytirishiga qarshi bayonot berdi.
Tolibon matbuot kotibi Zabihulloh Mujohid ijtimoiy tarmoqlarda e’lon qilgan bayonotida, AQSh Afg’onistonda tinch aholiga qarshi havo hujumlari uyushtirganini, Doha kelishuvidagi majburiyatlarini bajarmaganligini va «imperialistik maqsadlarni ko’zlaganini» aytdi.
Bayonotda Tolibon AQShga qarshi bor kuchi bilan turishi va «mazlum xalq uchun qasos olishi» ta’kidlangan.
